“İndiyə qədər Prezident İlham Əliyevin göstərişi ilə koronavirusla bağlı bir çox işlər görülüb və mühüm tapşırıqlar verilib. Xaricdən Azərbaycana bu virusun daxil olmasının qarşısı alınır. Ölkəyə gətirilən insanlar karantində saxlanılırlar”.

Məlumatına görə, bunu Nazirlər Kabineti yanında operativ qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib.

Onun sözlərinə görə, artıq ölkə daxilində koronavirusa yoluxma var:“Ölkədə 61 koronavirusa yoluxma halı aşkarlanıb. Eyni zamanda, 65 yaşdan yuxarı insanların evdən çıxması qadağan olunub”.