Koronavirus təhlükəsi ilə əlaqədar Özbəkistan məscidlərində cümə namazlarının qılınması ləğv olunub. AZƏRTAC xəbər verir ki, bu barədə Özbəkistan Müsəlmanları İdarəsinin sədri, müfti Usmanxon Alimov “Uzbekistan 24” kanalında məlumat verib. U.Alimov bildirib ki, koronavirus təhlükəsi tam ləğv edilənə qədər müsəlmanlar gündəlik və cümə namazını evdə qılmalıdırlar. O deyib ki, rəhmətə gedənlərin hüzr mərasimləri də evdə icra olunmalıdır. Müfti ölkədəki bütün məscidlərin dezinfeksiya edilməsi vacibliyinə də toxunub. Vurğulayıb ki, bu çətin günlərdə ərzaq mallarının, dərmanalrın qiymətlərinin qaldırılması, süni defisit yaradılması da məqbul deyil.​