Qətlə yetirilənlər arasında uşaqlar da var

İraqın Anbar əyalətinin Əl-Fəluc şəhərində kütləvi şəkildə qətlə yetirilən 643 dinc sakinin dəfn edildiyi qəbiristanlıq aşkarlanıb. Bu barədə “Al Arabiya” telekanalı bildirib. Yerli hakimiyyət orqanlarının nümayəndələri güman edirlər qətlə yetirilənlər “Əl-muhamda” tayfasının üzvləridir. Həmin vaxt onların hamısı itkin düşüblər və bu günə qədər heç kim onların aqibəti haqqında heçnə bilmirdi. Qətlə yetirilənlər arasında uşaqlar da var.

Xatırladaq ki, İŞİD terror qruplaşmasının ekstremistləri 2014-cü ilin yayında İraq ərazisinin üçdə birin işğal ediblər. Həmin ilin iyununda onlar ölkənin böyüklüyünə görə ikinci şəhəri Mosulu tutublar və onu qondarma xilafətin paytaxtı elan ediblər. Həmin ilin iyununda onlar ölkənin böyüklüyünə görə ikinci şəhəri Mosulu tutublar və onu qondarma xilafətin paytaxtı elan ediblər. İraqın təhlükəsizlik qüvvələri 2015-ci ildə beynəlxalq koalisiyanın dəstəyi ilə ərazilərin terrorçulardan azad edilməsi ilə bağlı genişmiqyaslı hərbi əməliyyatlara başlayıb. 2017-ci ilin dekabrında İraqın o zamankı baş naziri Heydər əl-Abadi İŞİD-in tam məğlubiyyətə uğradığını elan edib. (report.az)