Oktyabrın 18-də Mərkəzi Seçki Komissiyası bələdiyyə seçkilərinin 23 dekabra keçirilməsi barədə qərar qəbul edib. Təqvim planına uyğun olaraq, oktyabrın 19-dan bələdiyyə üzvlüyünə namizədlərin irəli sürülməsi prosesi başlayıb. Qeyd edək ki, ölkə üzrə 5 minə yaxın bələdiyyə mövcuddur. Ölkə üzrə vahid seçicilər siyahısına isə 5212902 seçici daxil edilib ki, onların da 49,17 faizi kişi, 50,83 faizi isə qadınlardır.

Картинки по запросу "Bələdiyyə seçkilərinə start verildi"

Bələdiyyə seçkilərinin keçirilməsi ilə bağlı dövlət büdcəsindən 53 milyon 900 min manat vəsait ayrılıb.

Картинки по запросу "Bələdiyyə seçkilərinə start verildi"

Bələdiyyələrə Seçkilərin qaydaları haqqında Qanunda bildirilir ki, Azərbaycan Respublikasında yerli özünüidarəni həyata keçirən bələdiyyələri Azərbaycan Respublikasının vətəndaşları bu qanunla müəyyən edilmiş qaydada çoxmandatlı seçki əraziləri üzrə ümumi, bərabər, birbaşa seçki hüququ əsasında sərbəst, şəxsi və gizli səsvermə yolu ilə seçirlər. Bələdiyyələrin səlahiyyət müddəti 5 ildir. Bələdiyyələrin səlahiyyətləri onların ilk iclas günü başlanır və yeni seçilən bələdiyyələrin birinci iclas günü başa çatır. Bələdiyyə üzvlərinin səlahiyyətləri yalnız bələdiyyələrin səlahiyyət müddətində qüvvədədir. 18 yaşı tamam olan və yaşı 18-dən yuxarı olan Azərbaycan vətəndaşlarının bələdiyyələrə üzv seçmək və seçilmək hüququ vardır.